Мэдээ мэдээлэл – Монголтранс ХХК

Эрхэм хүндэт харилцагч хамтран ажиллагч байгууллага та бүхэндээ үндэсний их баярын наадмын мэндийг өргөн дэвшүүлэе!

Хөх тэнгэрээ шүтсэн, хүлэг морио дээдэлсэн, хүчит бөхчүүдээ алдаршуулсан дэлхийд ганцхан Монгол наадам айсуй. Элэг нэгт Монгол түмэн минь дэлгэр зуны нартай өдрүүдэд дүүрэн жаргалтай, дуутай хууртай, сайхан наадаарай!

Уясан морьд нь урамтай хурдалж, унасан хүүхдүүд нь цогтой цэлмэг, унаган хүлгийнх нь туурай бүрээс цагаан тоос босож, айраг түрүүний баяраар дүүрэн наадаарай.

Дэвжээ цалгиасан хүчит бөхчүүдийн бяр мэх нь тэгширч, уран мэхээр наадамчин олноо баясган, Монгол эрийн жудаг, золбоог дэлхийгээр нэг тунхаглах болтугай. Хүчтний дэвжээ ивээх болтугай!”

Эрхий мэргэн харваачдын сум нь мэргэн, уухай дуу нь цээжтэй, нум сумынх нь хөвч чанга байж, эрхийвч дундаас нь цэц ургах болтугай.

Манай хамт олон БНХАУ-н Шанхай хотноо зохион байгуулагдсан “Transport Logistic Shanghai” олон улсын ложистик, тээвэр, нийлүүлэлтийн сүлжээний үзэсгэлэнд амжилттай оролцлоо.

Энэхүү үзэсгэлэн нь дэлхийн ложистикийн салбарын тэргүүлэгч компаниуд, үйлдвэрлэгчид, үйлчилгээ үзүүлэгчдийг нэг дор цуглуулдаг нэр хүндтэй арга хэмжээ бөгөөд энэ удаагийн үзэсгэлэн 3 өдрийн турш амжилттай зохион байгуулагдлаа.

Үзэсгэлэнгийн онцлох үзүүлэлтүүд:

50,000 м² үзэсгэлэнгийн талбай
57 улс, бүс нутгийн 939 оролцогч байгууллага
121 улс, бүс нутгаас 47,031 зочид, төлөөлөгчид
Нийлүүлэлтийн сүлжээ, ногоон ложистик, дижитал шилжилт, интермодал тээврийн чиглэлээр 26 салбар арга хэмжээ зохион байгуулагдсан.

Үзэсгэлэнгийн үеэр манай компанийн төлөөлөгчид олон улсын түнш байгууллагуудтай уулзаж, салбарын шинэ технологи, үйлчилгээ, шийдлүүдтэй танилцан, хамтын ажиллагаагаа өргөжүүлэх боломжуудыг судаллаа.

Бид олон улсын шилдэг туршлага, шинэлэг шийдлүүдийг үйл ажиллагаандаа нэвтрүүлэн, харилцагчдадаа илүү найдвартай, үр ашигтай ложистикийн үйлчилгээг хүргэхийн төлөө ажилласаар байх болно.

Олон улсын тээвэр зууч, ложистикийн салбарын тэргүүлэх төлөөллүүд цугласан “Ложистик Форум 2026”-д манай баг хамт олон амжилттай оролцож, салбарын хөгжлийн чиг хандлага, шинэ боломжуудын талаар санал солилцлоо.

Бид харилцагчиддаа илүү шуурхай, найдвартай, цогц үйлчилгээг хүргэх, тэр дундаа гаалийн бүрдүүлэлт болон терминалын үйл ажиллагаагаа улам бүр сайжруулахын төлөө үргэлж шинэчлэгдэж, тасралтгүй хөгжсөөр байна.

Цаашид ч харилцагчдадаа илүү найдвартай, шуурхай, ухаалаг ложистикийн шийдлийг хүргэхийн төлөө ажиллах болно.

Биднийг сонгон үйлчлүүлдэг харилцагч та бүхэндээ баярлалаа!

2026 оны 05 дугаар сарын 16-ны өдөр зохион байгуулагдсан “Монголтранс ХХК”-ийн ажилчдын спорт тэмцээн амжилттай болж өндөрлөлөө.

Тус тэмцээн нь ажилчдын эрүүл мэндийг дэмжих, идэвхтэй хөдөлгөөнд уриалах, хамт олны эерэг уур амьсгалыг бүрдүүлэх, багаар ажиллах чадварыг нэмэгдүүлэх зорилготойгоор жил бүр уламжлал болгон зохион байгуулагддаг билээ.

Тэмцээнд идэвхтэй оролцсон нийт ажилтнууддаа талархал илэрхийлж, шилжин явах цомын эзэн болсон баг болон бусад багууд хамт олонд баяр хүргэе.

“Монголтранс” ХХК нь MNS ISO 9001:2016 Чанарын менежментийн тогтолцооны баталгаажуулалтын гэрчилгээгээ амжилттайгаар 2 жилийн хугацаатай сунгууллаа.

Энэхүү баталгаажуулалт нь манай байгууллага үйл ажиллагаандаа чанарын удирдлагын тогтолцоог тогтвортой хэрэгжүүлж, үйлчлүүлэгчдийнхээ сэтгэл ханамжийг эрхэмлэн, тасралтгүй сайжруулалтыг ханган ажиллаж буйг баталгаажуулж байна.

Бид цаашид ч чанартай, найдвартай үйлчилгээ үзүүлэхийн төлөө хариуцлагатайгаар ажиллах болно.

“Монголтранс” ХХК
Чанартай үйлчилгээ — Итгэлтэй хамтын ажиллагаа

Сайн байцгаана уу, эрхэм харилцагчидаа.
Бид Европын томоохон хотууд болох Итали, Польш, Герман, Латви, Литви, Бельги -с Улаанбаатар руу түүвэр ачааны тээвэрлэлтийг тогтмол зохион байгуулж байна. Польш-д гаалийн баталгаат агуулахтай тээврийн компани-тай хамтарч ажилладаг бөгөөд цуглуулсан ачааг Улаанбаатар хотод Монголтранс ХХК-ийн терминал дээр тээвэрлэн авчирч олголт хийж байна.

Ачаа дүүргэлт: 25 хоног
Ачаа ирэх хугацаа: 14-20 хоног

Улаанбаатар-т ачаа ирмэгц та дараах үйлчилгээг нэг дор авах боломжтой.
📌Гаалийн бүрдүүлэлт
📌Хот доторх болон орон нутгийн хүргэлт
📌Ачаа хадгалалт
📌Ачаа ачих буулгах үйлчилгээ зэрэг цогц үйлчилгээг үзүүлэхэд бид бэлэн байна.

Доорх утсанд холбогдон үнийн санал авах боломжтой байгаа шүү🤗
Холбогдох утас: 75990088-1, 94008732, 94018732, 94048732

Монголтранс ХХК-ийн 35 жилийн ойн хүрээнд бид хэрэглэгч, харилцагчид болон гадаадаас ачаа бараа импортлох сонирхолтой хүн бүрт зориулан MTC Podcast-ийг бэлтгэн хүргэж байна. Манай подкастаар тээвэр, логистик, импортын талаарх хэрэгтэй мэдээлэл, зөвлөгөөг энгийн ойлгомжтой байдлаар хуваалцах болно. Та бүхэн манай сувгийг дагаж, шинэ дугаар бүрийг хамтдаа үзээрэй.

Компанийн 35 жилийн ойн хүрээнд нийт ажилчдаа Бүгд Найрамдах Хятад Ард Улсын нийслэл Бээжин хот руу 2026 оны 03 дугаар сарын 06-наас 03 дугаар сарын 28-ны өдрүүдийн хооронд 2 ээлжээр 7 шөнө, 8 өдрийн аялалд амжилттай хамрууллаа.
Аяллын хөтөлбөрийн хүрээнд ажилчид дэлхийн хэмжээний сэдэвчилсэн парк болох Universal Studios Beijing-ээр зочилж, хүн төрөлхтний үнэт өв Цагаан хэрэм-ийг үзэж сонирхон, орчин үеийн архитектурын онцлох бүтээл Бээжингийн Үндэсний цэнгэлдэх хүрээлэн (Шувууны үүр)-тэй танилцлаа. Мөн Бээжингийн амьтны хүрээлэн, Бээжингийн төв телевизийн цамхаг зэрэг үзвэрүүдийг багтаасан өргөн хүрээний аялал болсон юм.
Энэхүү аялал нь ажилчдын хамтын ажиллагааг бэхжүүлэх, байгууллагын соёлыг төлөвшүүлэх, урам зоригийг нэмэгдүүлэхэд чухал ач холбогдолтой арга хэмжээ боллоо.
Цаашид ч компанийн зүгээс ажилтнуудынхаа нийгмийн баталгаа, сэтгэл ханамжийг дээшлүүлэхэд чиглэсэн олон талт арга хэмжээг тасралтгүй хэрэгжүүлэх болно.

492025676_122205200468150018_2391254439401225387_n-1200x444.png

Компанийн нийт ажилчдын эрүүл мэндийг хамгаалах, өвчнийг эрт илрүүлэх зорилгоор 2026 оны эрт илрүүлгийн үзлэгийг 04 дүгээр сарын 18, 19-ний өдрүүдэд амжилттай зохион байгууллаа.
Энэхүү үзлэг нь ажилчдын эрүүл мэндийн байдлыг үнэлэх, эрсдэлт хүчин зүйлсийг илрүүлэх, эрүүл, аз жаргалтай амьдрахын тулд идэр залуу чийрэг биеэ хадгалах, эрүүл мэндээ хамгаалах, болзошгүй эрсдлээс урьдчилан сэргийлэх арга хэмжээг төлөвлөхөд чухал ач холбогдолтой юм.
Урьдчилан сэргийлэх үзлэг, шинжилгээ гэдэг нь тухайн хүнд аливаа өвчний шинж тэмдэг анзаарагдаж мэдрэгдэхээс өмнө буюу өвчний эрт үед, эмчлэх боломжтой үе шатанд өвчнүүдийг оношлох цогц үйл явцыг хэлдэг.